أنا إسمى أحمد محمود خريج خدمة اجتماعيه وعمري 31 سنه و مش لاقى شغل محترم يكون فيه احترام لحقوقي ووضوح لواجباتي وكان كل حلمي أني أشتغل بمؤسسه أو شركه وكنت كل ما أروح شغل يقولولي تعرف تشتغل على الإكسل أو الورد وللأسف كنت بمشي على طول لأنى ما أعرفش حاجه عن تدريبات الأوفيس ومكنتش قادر أخد التدريب ده لأن تكلفته عاليه جدا عليىّ وخاصه أني متزوج حديث بس الحمد لله لقيت إعلان عن منحه مجانيه من جمعية الأسر المسلمة بالتعاون مع الهيئة القبطية الإنجيلية على النت ومكنتش مصدق إن فيه منحه مجانيه عن تدريب الأوفيس وروحت علشان أقدم ورقي وحضرت المقابلة و فرق معايا جداااا خطوة المقابلة لأن أنا عمرى ما عملت مقابلة قبل التدريب و ده كان دليل على صدق التدريب و مدى الاهتمام بيه واتقابلت ودخلت التدريب والحمد لله اتدربت بشكل رائع لأن التدريب كانت كل الإمكانيات متوفرة ليه وبطبق كل شئ باخده في التدريب و بعد ما خلصت التدريب قدمت في أشغال كتيره و قبلت في شغل محترم ولقيت فيه نفسى علشان قدر أصرف كويس على بيتي و أسرتى الصغيرة ،اشتغلت في المركز التجاري بتارجت بالمنيا الجديدة كاشير وماسك حسابات.
عاوز أشكر الهيئه القبطيه الإنجيليه للخدمات الاجتماعيه و جمعية الأسر المسلمة للتنمية الاجتماعيه على تبنيهم الأفكار و المشروعات التي تبنى الشباب وتمكنه من اللحاق بالمجتمع و محاوله العيش الكريم .
