زكي فارس .. حقق حلم أسرتة بالعيش في منزل صحي و بيئي و آمن

أنا إسمي زكى فارس خليل شغال نجار موبيليا ساكن فى شوشة بحرى البلد عندى 45 سنه متزوج من ساميه ملاك عياد 40 سنه ست بيت وأولادى هبه 16 سنه ونعمه 14 سنه وبسمه 12 سنه وفادى 8 سنوات وعندنا البيت مساحتة 50 م عبارة عن 2 غرفه وطرقة ومطبخ وحمام ولكثرة عدد الولاد وعلشان مافيش خصوصيه لى أنا ومراتى وكمان عايز أفصل فى الجنس بين الولد والبنات للمستقبل فكان نفسى أسقف الدور الأول العلوى ولكن ظروف دخلى مش مساعده بس الحمد لله لقيت حل عرفت من أحد جيرانى أنه قدر ياخد قرض من مشروع الإسكان فى شوشة وقدر ينظف بيته رغم أنه حالته فقير زى حالتنا وحكيت مع مراتى وفرحت خالص ومصدقنا رحنا قدمنا طلب للحصول على قرض إسكان من مشروع الإسكان ولما جه دورنا فى الطلبات جات لجنة من المشروع وجه موظف الهيئة ومسئول هابيتات وعاينوا البيت على الطبيعه وشافوا ظروفنا الصعبه ووافقوا على منحنا قرض بمبلغ 7000جنيه وتم الصرف على دفعتين والحمد لله ربنا قدرنى وقدرت أكمل على المبلغ لأنه لوحده ماكفاش وقدرت أسقف الدور الثانى سقف مسلح ووسعت على ولادى وبقى فيه خصوصية ليه أنا ومراتى وقدرت أفصل فى المكان بين الولد والبنات وبأدفع قسط شهرى بمبلغ 225 جنيه والمبلغ مش مأثر على دخل بيتنا وأنا بأشكركم على وقفتم جنبى لحد ما وصلت للى أنا فيه دلوقتى .

شارك

أخبارنا

الشركاء معًا”: إفطار الهيئة الإنجيلية بحي الأسمرات بالمقطم لـ٢٠٠٠ مواطن تحت مظلة التحالف الوطني

“الشركاء معًا” إفطار الهيئة الإنجيلية اليوم لـ2000 مصري تحت مظلة التحالف الوطني بحي الأسمرات نظمت الهيئة القبطية الإنجيلية للخدمات الاجتماعية، تحت مظلة التحالف الوطني للعمل الأهلي

فعاليات منتدى حوار الثقافات

منتدى حوار الثقافات يدعم القيادات الدينية النسائية في المجتمع المصري

سعى منتدى حوار الثقافات منذ نشأته إلى دعم وإدماج وتفعيل دور القيادات الدينية النسائية في المجتمع المصري، من واعظات وداعيات للأزهر والأوقاف، والراهبات والمكرسات والخادمات من