أنا إسمي فرحة جمال سيد بالصف الخامس الابتدائي بتله – المنيا أنا درست في فصول التربية المدنية : ولما ذهبت إلى الفصل لأول مرة ماكنتش أعرف معني إسم (التربية المدنية) وماكنتش أعرف هدرس إيه. بعد كده بدأت أعرف حاجات كتير عن الحرية و الديمقراطية والمساواة و إن احنا كأطفال عندنا حرية اختيار ولينا حقوق وكمان علينا واجبات وإتعلمت كمان إزاي أطلب حقوقي بأسلوب مهذب بشكل مايضايقش الشخص اللى بكلمه ولا أخليه ينفعل علىّ.
أنا كنت دايماً بحس إن بابا بيهتم بأخويا أكتر مني شوية في المصروف وكمان في اللبس وبعد فترة اتعلمت وأنا بدرس في الفصل إزاي أطالب بحقي وأهمية المساواة مع أخويا وفعلا اتكلمت مع بابا وماما وفرحوا بيّ خالص وقدرت كمان أزود المصروف ليّ ولأخويا وخلاص مفيش فرق بينا ..
والفضل كله يرجع للتعليم اللى أتعلمته وفتح ذهني لحاجات كتير.
