أنا إسمي أسماء عيد عبد المجيد ست بيت عندى 35 سنه جوزى فتحى محمود محمد موظف في الجمعية الزراعية عنده 45 سنه عندنا ولد وبنت أحمد 10 سنين جنا سنتين مساحة البيت 70 متر دورين فيه كهرباء ومياه مبنى بالبلك ومسقوف بالمسلح معندناش مواشى علشان البيت يادوب على القد علشان هو كله غرفتين وصاله ومطبخ وحمام الدور الأرضي غرفتين وصاله ومطبخ وحمام لأخويا ومراته وأولاده وأنا نفس المساحه الدور الأول العلوى وأنا بصراحة كان نفسى أبلطه علشان يبقى نظيف لأن الأرضية من التراب وده كان بيأثر علي صحة أولادي و بجيب لهم حساسية في الصدر وكان نفسي أبلط الشقة لكن المرتب بصراحة يادوب يكفى المصاريف مينفعش أكون مبلغ على بعضه علشان أبلط بيه لكن ينفع أدفع قسط كل شهر وأنا عارف إن مشروع الإسكان بيدي قروض وقسطها مريح علشان الإسكان قلنا ده الحل الوحيد علشان نقدر نبلط البيت قدمت الطلب ولما جه دورنا في المعاينة زارني مسؤول الهيئة والمنسقين ووافقوا على إعطائي مبلغ علشان أبلط البيت وقدرلى المهندس مبلغ 5000 جنيه والحمد لله الأرض بقيت أنضف وصحة عيالي بقيت أفضل وأنا عاوزة أشكر كل اللي ساعدوني في الحصول علي هذا القرض لتحسين البيت و نكون بنعيش في حياة كريمة.
