راحيل .. شابة مصرية معاصرة تكافح البطالة

أنا راحيل رجب عبدالحكيم خريجة معهد فنى تجارى 2008 لغاية دلوقتى كنت بدور على شغل وفى يوم كنت قعده على الفيس وصلني إيفنت لمنحة مجانية لغة انجليزية وخدمة عملاء من جمعية الأسر المسلمة من خلال مشروع تنمية المجتمعات الفقيرة و المهمشة بالشراكة مع الهيئة القبطية الإنجيلية للخدمات الاجتماعية دخلت عليه لقيت أصحابي بجد بيقولوا أنهم عملوا مقابلة وإتقبلو وإن التدريب فمكان كبير متخصص و هو أكاديمية إسمارت وإن المدربين من أكتر مدربين مشهورين فى المحافظه بتاعتى رحت قدمت أوراقى وبعدها اتصلو بيا وحددوا لىّ معاد مقابلة دخلت وكنت خايفة جداً وقدمت على تدريب خدمة العملاء واللغة الإنجليزية وكنت من أول المجموعات أخدنا التدريب على مدار شهرين بصراحه أنا كنت مذهولة لأن تدريب اللغة اللى كنا بناخده كان بعيد عن اللغة اللى درسناها أساساً لقيت إن إنجليزى المدرسه والكليه مجرد حبر على ورق . التدريب فادنى كتير إزاى أقدر اتكلم وأتواصل مع الناس باللغة الإنجليزية إزاى أسمع اللغة صح وأفهم بيقولوا إيه ولما دخلت على تدريب خدمة العملاء لقيت إن الموضوع جميل جداً من أول يوم حسيت فنفسى أنى بجد ينفع أكون بشتغل خدمة عملاء وفكل يوم من التدريب كنت بطبق الكلام اللى كنت باخده وكمان المدربه أثناء التدريب كانت بتخلينا نطبق ده مع بعض وكانت بتورينا فيديوهات لمقابلات خدمة العملاء وأول ماخلصت التدريب رحت قدمت في الشركة المصريه للتبريد والتكييف واتقبلت وابتديت الشغل فيها وطبعا مجال خدمة العملاء مجال كبير وواسع جدا وبيدينى احساس هايل لما أخدم حد أو أوصله أنه ياخد الخدمه بتاعته بشكل متميز والتدريب ده مش بس فادنى بأنى أخيراً لقيت شغل مناسب لىّ لا ده كمان خلانى أحّسن علاقاتى مع الناس وأعرف طبيعة الأشخاص وإزاى أنى أغير أسلوبى فالتعامل مع الناس كل واحد حسب شخصيته وإزاى أأثر فيه وبجد حياتى كلها اتغيرت للأحسن وبقيت بحس بأهميتى فى الحياة وفي الشغل وبقيت بنصح كل الناس اللى أعرفهم أنهم ياخدوا التدريب ده لأنه مفيد جداً مش بس في الحياة العملية ده كمان في الحياة عموماً وأنا بجد بقول متشكره جداً لكل واحد ساعدنى فى أنى أقدر اتغير وأقدر أكون إنسانة أحسن وربنا يوفقكم ويجازيكم خير عن كل المجهودات اللى بتعملوها مع الشباب وشكراً ليكم.

شارك

فعاليات منتدى حوار الثقافات

برنامج دعم التماسك والسلام في المجتمع المصري

التسامح والعيش المُشترك وقبول الآخر وممارسة مواطنة حقيقية في المجتمع؛ من أهداف برنامج “دعم التماسك والسلام في المجتمع المصري” اللي بينفذه #منتدى_حوار_الثقافات بالهيئة القبطية الإنجيلية بالتعاون

أخبار التنمية المحلية

إطلاق مبادرة “ازرع” للتحالف الوطني والهيئة الإنجيلية ووزارة الزراعة لزراعة ١٥٠ ألف فدان قمح

انطلقت، اليوم الخميس، فعاليات مبادرة “ازرع” للتحالف الوطني للعمل الأهلي والتنموي، بالشراكة مع الهيئة القبطية الإنجيلية للخدمات الاجتماعية، ووزارة الزراعة المصرية، وذلك من خلال زراعة مساحة