أنا إسمي / كيرلس صموئيل لبيب من بنى أحمد الغربية – المنيا أنا بحب المدرسة قوي وبحب زمايلي في المدرسة خالص لأني باشوفهم و بالعب معاهم بس ماكنتش بقدر أروح المدرسة كتير وكنت بغيب علشان معنديش لبس كويس البسه (غيار واحد) وكانت أمي بتزعل مني وكنت مكسوف من نفسي قدام أصحابي .
بعد فتره قابلني الأستاذ واختارني وعرفني أني هاخد زي للمدرسة علشان أروح بيه المدرسة و فرحت خالص وروحت قلت لأمي كانت فرحانه هي كمان وبعدها بدأت أروح المدرسة وأنا مش مكسوف من شكلي وكمان بلعب براحتي شوية أكتر من الأول ومباقتش أغيب خالص ….
