أنا اسمي سهام شعبان عبدالعزيز مشرفة بنات بشركة كريستال عصفور
أنا من أسرة متوسطة الحال وتعرضت لظروف اجتماعية صعبة بسبب انفصال والدي ووالدتي وكان لازم أشتغل علشان أصرف على نفسي ، بحثت كتير على شغل ولم اجد وظيفة مناسبة خصوصاً إني بنت ومش سهل ألاقي شغل مناسب وكمان رفض أبويا وأمي فكرة الشغل من الأساس. وبالصدفة وجدت إعلان لجمعية الأسر المسلمة إنه يوجد لديهم مكتب توظيف فذهبت للجمعية وقدمت طلب توظيف وفعلا اتصلوا بي وعرضوا علي الشغل فى شركة كريستال عصفور. وبرغم رفض أبي وأمي الا ان مسئول من الجمعية زار منزلنا وعرض عليهم طبيعة العمل ومواعيده وطمأنهم وأخيرا اقتنعوا بالوظيفة. عملت مقابلة مع المسئول وكمان فحوص طبية وتحاليل واستلمت الشغل معاهم كعاملة فرز. بعد فترة قصيرة ترقيت واصبحت مشرفة للبنات فى قسم جديد في الشركة “قسم التشطيب “. الشغل فرق معي كثيرا كنت محتاجة لدخل لي لاتمكن من الصرف على نفسي وكمان بجهز نفسي علشان لما أتخطب يكون معايا فلوس وأقدر أجيب اللي نفسي فيه زي باقي البنات. أنا ايضا بدأت أقول لكل أصحابي واقاربي في القرية وفعلا أخذت عدد كبير يعمل معي فى الشركة. والحمد لله حالتنا كلنا اتحسنت كتير بعد الشغل، تعلمنا مهارات جديدة واستطعنا الاعتماد على انفسنا ورفع مستوى معيشتنا.
