هل سمعت قبل كده عن الزراعة_الإيكولوجية؟
هي مش مجرد طريقة زراعة… دي رؤية متكاملة لتغيير شكل الحياة الريفية والنظم الغذائية في مصر.
بتجمع بين: ممارسات بيئية وعضوية + معرفة محلية + حقوق المزارعين واستقلاليتهم
وبالتعاون مع تحالف من منظمات المجتمع المدني، عملنا جولات ميدانية في محافظات مصر علشان نتعلم من المزارعين نفسهم ونتكلم عن مستقبل الغذاء وسط تحديات تغيّر المناخ.
ومن أجمل النماذج: سلامية عبدالغني من قرية سلامة علي – المنيا
قدرت تعمل مشروع بسيط لكن تأثيره كبير:
تحسين التربة وزيادة دخل المزارعين باستخدام حاجات من البيت زي مخلفات المطبخ + كرتون البيض + الديدان لصناعة السماد الدودي (Vermicompost)
وده تطبيق عملي لمبدأ مهم في الزراعة الإيكولوجية: دورة المغذّيات… نرجّع المخلفات للتربة كسماد عضوي علشان تفضل الأرض خصبة وإنتاجها مستدام.
والأهم: الزراعة الإيكولوجية أوسع من الزراعة العضوية.
لأن “العضوية” في مصر أحيانًا بتركّز على شركات كبيرة للتصدير،
لكن الزراعة الإيكولوجية بتدعم محاصيل محلية وطرق صديقة للبيئة علشان يستفيد منها المصريين نفسهم.
وده جوهر فكرة السيادة الغذائية:
إن يكون للمزارعين والمجتمعات الحق يقرروا يزرعوا إيه… علشان يغذّوا مجتمعهم ويحافظوا عليه
