أنا إسمي فايزة عياد عبد الملاك ست بيت لا أعمل عندي 44 سنه جوزي غطاس عبد حنا فلاح 55 سنه عندي ولدين وبنتين بيشوى 18 سنه دبلوم ناديه 13 سنه إعدادي منى 16 سنه دبلوم عبدالمسيح 15 سنه إعدادي البيت مساحته 70 مترا مبنى بالبلك ومسقوف بالمسلح فيه كهرباء ومياه الدور الأرضي غرفتين وصاله ومطبخ وحمام وغرفه للمواشي علشان هي اللي بتساعد فى المعايش نبيع منها السمن والجبنة واللبن وبتساعد فى مصاريف البيت علشان جوزي فلاح يعنى يوم فيه شغل وأيام مفيهاش شغل فأنا طبعا لازم أساعده علشان نقدر نربى ولادنا تربيه صالحه والحمد لله كلهم فى المدارس بس بيشوى بصراحه بيساعد معانا و بيشتغل عامل يومية و كانت مشكلتنا إنه البيت ضاق علينا لأن أنا و جوزي بنام في أوضة و البنات في أوضة و كان الأولاد بيناموا في الصالة و ده كان مسبب لنا ضيق وكنا حاسيين بالذنب تجاه الأولاد و في يوم قالي حد من ولادي يا أمي احنا ناخد قرض من مشروع الإسكان زي جيرانا ونشطب بيه البيت الدور الثاني و نوسع علي روحنا و نبلط وندهن الدور الثاني علشان أنا وأخواتي نلاقى مكان خاص بينا وأخواتي يعرفوا حتى يذاكروا ويبقى لأخواتي البنات مكان خاص بيهم وإحنا أوضه خاصه بينا ورحنا قدمنا الطلب ولما جه دورنا فى المعاينة وافقوا لما شافوا وضع البيت وقدرلنا المهندس مبلغ 6000 جنيه دفعه واحدة وبأدفع قسط شهري 200 جنيه والحمد لله بلطنا البيت ودهناه وبقى جميل جدا وبقى لينا مكان خاص بينا وكمان الأولاد وحديهم والبنات وحديهم و إحنا بجد بنشكركم جدا جدا وربنا يخليكوا للغلابه .
