سمرية .. استطاعت تغيير حال منزلها القديم المتهالك

أنا إسمى سمريه فايز شفيق ست بيت عندى 47 سنه جوزى سمير برعبدالمسيح فلاح عنده 62 سنة ولادى انطونيوس عنده 22 سنه معاه دبلوم وتوماس 20 سنه دبلوم وبولا 17 سنه دبلوم ومكاريوس 12 سنه ابتدائى والبيت مساحته 70 مترا 2 غرفه وصاله ومطبخ وحمام البيت مبنى بالبلوك ومسقوف أوضه بالخشب وباقى البيت بالبوص دور أرضى احنا بصراحة تعبنا كتير لأن السقف اللي من البوص كان مليان حشرات و كان بينزل علينا المطر في الشتاء فى عز برودة الجو و في الصيف الحرارة كانت شديدة قوى وكان أملنا إننا نسقفه قبل الشتا ما تدخل علينا علشان أنتوا عارفين المطر والبرد والله العظيم احنا كنا بنام أنا وجوزى فى الصاله وهى مش مسقوفه علشان نسيب الأوضه اللى بالخشب لأولادى يناموا فيها وكنا منقدرش نتكلم علشان الأولاد ميحسوش بحاجه ويطلعوا يناموا مكانا فى البرد وغير كمان الشمس طول النهار فى الصيف وكمان الفيران كانت ماليه البيت وغير التعابين والحشرات علشان كده مكناش حاسين بالأمان وحاجاتنا كلها تراب والفرش حتى الأكل اللى كنا بناكله كان بيقع فيه تراب فقالولى ولادى إحنا كبرنا يا أمى إحنا ممكن ناخد قرض من مشروع الإسكان اللى سمعنا عنه بتاع الهيئة ونسدده إحنا من شغلنا فقدمنا الطلب فى مقر المشروع ولما جه دورنا فى المعاينه وشافوا الحالة اللى كنا فيها وافقوا علي طول على القرض وقدرلى المهندس مبلغ 8000 جنيه دفعه واحدة وبدفع قسط شهرى270 جنيه وسقفنا البيت الحمدلله.

وإحنا دلوقتى عايشين فى أمان بفضل ربنا أولا وبفضلكم ومساعدتكم لينا شكراً بجد ليكوا .

0

شارك

فعاليات منتدى حوار الثقافات

“مبادرة جسور السلام: تعزيز العدالة الثقافية والاجتماعية من خلال منتدى حوار الثقافات بالهيئة القبطية الإنجيلية”

تحت شعار “الثقافة للجميع”، نظم منتدى حوار الثقافات بالهيئة القبطية الإنجيلية مبادرة “جسور السلام” بالتعاون مع مكتبة مصر العامة ومركز شباب الوايلي، بهدف التركيز على العدالة

أخبارنا

تكريم الدكتور القس أندريه زكي خلال احتفالية “مودة”: دور النشاط الإنجيلي في تعزيز قيم مصر الناعمة

وزيرة التضامن خلال تكريم الدكتور القس أندريه زكي خلال احتفال “مودة”:النشاط الإنجيلي من أهم ركائز قوة مصر الناعمة على المستوى الديني والثقافي والاجتماعيالدكتور القس أندريه زكي

أخبارنا

تكريم وزارة التضامن الاجتماعي للهيئة القبطية الإنجيلية عن إنتاج أفلام توعية تعزز قيم المواطنة

وزارة التضامن الاجتماعي تكرم الهيئة الإنجيلية عن إنتاج أفلام توعوية تدعم المواطنةكرمت الدكتورة نيفين القباج، وزيرة التضامن الاجتماعي، الهيئة القبطية الإنجيلية عن إنتاج أفلام توعوية قصيرة

فعاليات منتدى حوار الثقافات

“هنا نعيش سويًّا والآن نتحاور للسلام: معسكر فني ثقافي يعزز قيم المواطنة والحوار في صعيد مصر”

هنا نعيش سويًّا والآن نتحاور من أجل السلام: معسكر فني ثقافي بتنظيم منتدى_حوار_الثقافات يسلط الضوء على قيم المواطنة والحوار وقبول الآخر والمشاركة الإيجابية في مواجهة التمييز.

فعاليات منتدى حوار الثقافات

عنوان المبادرة: “أنا كنت فاكر” – تحقيق التواصل الحضاري وتصحيح الأفكار النمطية في مجتمع الإسكندرية

أنا كنت فاكر”… عنوان مبادرة مجتمعية نفذتها مجموعة القادة الدينيين في الإسكندرية، ضمن مشاركتهم في منتدى حوار الثقافات، بهدف تصحيح بعض الأفكار المغلوطة والصور النمطية لدى