شيماء .. تمكنت من تحسين حالة منزلها

أنا إسمي شيماء حسين فؤاد حسن ست بيت عندي 32 سنة متزوجة من إبراهيم محمد محمد الريس سواق وعندي ولدين محمد 8 سنوات إبتدائي ومعاذ 5 سنوات والبيت 50 متر دورين مبنى بالبلوك ومسقوف بالمسلح ومشكلتي كانت عندما تزوجت رضيت أنى اتزوج في مكان ضيق جدا بالدور الأرضي مع حماتي وحمايا نصيبي كده الحمد لله علشان زوجي قريبنا ووافق والدى على الوضع ده المهم ربنا كرمنا بمبلغ بقى معانا وبنينا الدور التانى الحمد لله وسقفناه سقف مسلح وباقي على التشطيبات وعلشان اللى كان معانا حطناه في المباني والسقف المسلح فأمنية حياتي أوسع على نفسى وعلى ولادي ويبقى فيه خصوصية وسمعت من حد من الجيران أنه قدر يشطب بيته وينضفه لما أخد قرض من لجنة الإسكان وكان بيسدد على 3 سنوات يعنى فتره مرتاحة في السداد وكمان كانت قيمة القسط قليله مش مأثره على مصاريف البيت فحكيت مع زوجي اللى رحب لما سمع الفكرة وقال كأننا قاعدين في إيجار مدة الـ 3 سنين اللى بندفع فيهم القسط وبعد كده نلاقى نفسنا بقينا في ملكنا فبسرعة روحت على مقر لجنة الإسكان وقدمت طلب للحصول على قرض إسكان ولما جه دورنا جه موظف الهيئة ومعاه حد من لجنة الإسكان ومهندس هابيتات وعاينوا البيت على الطبيعة وشافوا الوضع اللى كنا فيه 4 أفراد في غرفه يعنى مينفعش الأولاد يناموا معانا في أوضة واحده ووافقوا على طول على إعطائي القرض وأخذت مبلغ 5000 ج على دفعتين وعلشان أدهن الشقة وأقدر أنقل فيها أنا وأسرتي والحمد لله دهنت الشقة وبقت جميله جداً وعملت مكان أوضه خاصه للأولاد وأوضه خاصة ليا أنا وزوجي ووسعنا على نفسنا وبقينا في أحسن حال بفضل ربنا وبفضل وقوفكم معانا والعمل على استقرار الأسر والوصول بها إلى بر الأمان وبسدد قسط شهري 170 جنيه وأنا بأشكر الهيئة الإنجيلية اللى دايما واقفه معانا وبتساعدنا .

شارك

فعاليات منتدى حوار الثقافات

أنشطة منتدى الحوار خلال نوفمبر بمحافظة أسوان

في إطار سعي الهيئة القبطية الإنجيلية نحو تعزيز التعددية الثقافية والسلام المجتمعي، نظم #منتدى_حوار_الثقافات عددًا من الأنشطة بمحافظة أسوان خلال شهر نوفمبر الماضي ضمن برنامج التلاحم

فعاليات منتدى حوار الثقافات

برنامج دعم التماسك والسلام في المجتمع المصري

التسامح والعيش المُشترك وقبول الآخر وممارسة مواطنة حقيقية في المجتمع؛ من أهداف برنامج “دعم التماسك والسلام في المجتمع المصري” اللي بينفذه #منتدى_حوار_الثقافات بالهيئة القبطية الإنجيلية بالتعاون